АНОНС 
Юридический факультет ГрГУ имени Янки Купалы приглашает на З перамогаю, любы…
Мы сустрэліся ўвесну, у росквіце дрэў і пачуццяў ,
У пару, прыгажэй за якую няма на зямлі.
Мы смяяліся, дыхалі ветрам на поўныя грудзі,
І чакалі сустрэч, і размовы пра шчасце вялі.
Ды аб тым, што у сэрцах ціхутка, пяшчотна спявала,
Мы адно аднаму не змаглі, не паспелі сказаць:
Левітанаўскі голас… прыйшла, наляцела навала.
Развітанне і поціск рукі. Ты пайшоў ваяваць.
З той часіны - бясконца турботы, надзея, трывога,
Ды ў ляскаце фабрыкі, у цемры бяссонных начэй
Разумела адно: мая праца – табе дапамога,
Мне душу сагравала цяпло тваіх мілых вачэй.
З шумам несліся дні, быццам кадры старой кінастужкі,
І аднойчы ты знік, бы агонь у завеях сівых…
Я пісала табе, ды лісты, як падбітыя птушкі,
То зляталі ў нябыт, то вярталіся куляй пад дых.
Я чакала цябе. Мне хапала цярпення і веры
Прагна, пільна лавіць кожны гук ад прыступак старых,
Прыслухоўвацца, ледзьве падасца, што скрыпнулі дзверы;
Толькі ты не прыходзіў, і ціха было на двары…
Вось настаў гэты дзень – зіхатлівы, шчаслівы, маёвы,
Калі ўсё пераможныя песні навокал пяе.
То не слёзы – раса зіхаціць на пялёстках вішнёвых.
Перамога, мой любы!.. Ці ведаеш ты пра яе?
І жывы, і памерлы – заўсёды адзіны на свеце,
Незабыўны, як матчыны рукі і спеў ручая.
Я табе абяцаю: ніхто не кране нашу квецень.
З перамогаю, любы! Твая… ці заўжды нічыя.
Глинястикова Анна, 2 курс "Международное право"
Глинястикова Анна, 2 курс "Международное право"
